صار الوقت لحتى يجي الرب يسوع المسيح على الأرض [ - The Birth of Jesus Animation ]

 

صار الوقت لحتى يجي الرب يسوع المسيح على الأرض 

Youtube Video - Animation  - The Birth of Jesus 

https://youtu.be/Na7yvz-xjA4?si=5g5PRK-AFgruePqd

صار الوقت لحتى يجي الرب يسوع المسيح على الأرض ليغفر خطايا الناس تماما مثل ما وعد الله من سنين طويلة. 
THE WONDERFUL STORY OF JESUS CHRIST 
The time has come for the Lord Jesus Christ to come to earth to forgive people's sins
.AND THE STORY OF Maria and Joseph,  Simon, Magi and KING HEROD

صار الوقت لحتى يجي الرب يسوع المسيح على الأرض ليغفر خطايا الناس تماما مثل ما وعد الله من سنين طويلة. وهيدي الحاجة كانت ضرورية للناس، لأنه الناس صاروا أشرار، وكلهن عملوا الخطية مثل آدم وحوا.

في يوم، بعت الله جبرائيل الملاك على مدينة إسمها الناصرة لعند صبية إسمها مريم مخطوبة لزلمي إسمه يوسف. تعجبت مريم وتفاجأت لما شافت الملاك.  السلام عليك أيتها المنعم عليها، الرب معك، مباركة أنتِ بين النساء. ما تخافي يا مريم الله عطاكي نعمة، رح تحبلي وتولدي إبن، وتسمّيه يسوع، ورح يكون ملك للأبد، وما رح يكون في نهاية للملك تبعه.

 كيف ممكن يصير معي هالشي وأنا مش متزوجة ؟

 الروح القدس رح يحل عليكي كرمال هيك الصبي يللي رح يولد منك هوي إبن الله.

بهيداك الوقت، أمر الإمبراطور أوغسطس قيصر كل إنسان إنه يروح على المدينة يللي ولد فيها لحتى يسجل إسمه هونيك، فراحوا الناس لحتى يتسجلوا.

مریم راحت مع خطيبها يوسف النجار على مدينة بيت لحم لحتى يسجلوا أساميهن هونيك، وكانت مريم حبلي.

هني وهونيك صار وقتها لحتى تولد، يوسف ومريم ما لقيوا مطرح بالأوتيل، فراحوا على زريبة حيوانات هونيك ولدت مريم إبنها يسوع ولفته بقماش ونيمته بالمعلف يللي الحيوانات بتاكل فيه.

كان في رعيان سهرانين عم يحرسوا الغنم تبعهن بالليل. فجأة ظهر لهن ملاك الرب، وصار في ضو كتير قوي حولهن، فخافوا كتير.  ما تخافوا ! بدي خيركن خبرية كتير حلوة، إلكن ولكل الناس.

الليلة، ببيت لحم، ولد المخلص، وهوي المسيح الرب وظهر مع الملاك مجموعة من الملايكة عم بيرتلوا وعم بيسبحوا الله 

"المجد لله في الأعالي وعلى الأرض السلام والرجاء الصالحلبني البشر. ولما فلوا الملايكة، قالوا الرعيان لبعضهن قوموا لحتى نروح على بيت لحم ونشوف الطفل المولود بسرعة راحوا لهونيك، ولقيوا العدرا مريم ويوسف والطفل يسوع نايم بالمعلف.

خبروا الرعيان يوسف ومريم بالكلام يللي قلهن ياه الملاك عن الصبي، وكل يللي سمعوا تعجبوا من حكي الرعيان. أما مريم، فكانت عم تحفظ بقلبها كل الكلام وعم تفكر فيه. ورجعوا الرعيان عم يسبحوا الله على كل يللي سمعوه وشافوه.

ومثل ما كانت العادة عند بني إسرائيل، لما صار عمر الصبي ٨ أيام سموه يسوع، مثل ما قال الملاك قبل ما العدرا مريم تحبل فيه.

ولما صار وقت طهور العدرا مريم طلع يوسف ومريم على الهيكل بأورشليم، لحتى يقدّموا يسوع للرب، بحسب شريعة موسى. وكان في بأورشليم زلمي ختيار إسمه سمعان، هيدا الزلمي كان يحب الله كتير ويسمع كلامه، وكان الروح القدس حالل عليه. أوحاله الروحالقدس إنه ما رح يموت قبل ما يشوف مسيح الرب. والروح القدس خلى سمعان يكون بالهيكل بهيدا الوقت. ولما فاتوا يوسف ومريم ومعهن يسوع على الهيكل، حمله سمعان على إيديه وبارك الله وقال: يا سيد، تحقق وعدك، وأنا شفت المخلص، صار فتي موت بسلام.

فرحوا الرعيان ببشارة الملايكة عن الرب يسوع، لازم نحنا كمان نفرحونخبر أصحابنا عن يسوع. رح تكون هيدي أجمل الأخبار يللي رحيسمعوها.

لما ولد الطفل يسوع ببيت لحم، بإيام الملك هيرودس إجا على أورشليم رجال بسموهن المجوس. إجوا من بلاد بعيدة، هودي الرجال بيفهموا كثير، وعندهن حكمة بيدرسوا حركة النجوم والكواكب ). وراحوا المجوس لعند الملك هيرودس وسألوه وين منلاقي الطفل ملك اليهود؟ شفنا النجمة تبعه بالشرق وجينا نسجد قدامه.

لما سمع الملك هالكلام، تضايق، وبعت و را كل رؤسا الكهنة والناس يللي بيعرفوا الكتب المقدسة وسألهن وين مكتوب إنه المسيح رح يولد ؟

جاوبوه وقالوا ببيت لحم، بمنطقة اليهودية، لأنه هيك قالوا الأنبيا من زمان. عالسكت، جاب هيرودس الملك المجوس وبعتهن على بيت لحم.

روحوا فتشوا على الصبي، ولما بتلاقوه بتجوا بتخبروني لحتى أنا كمان روح وإسجدله.

لما سمعوا من الملك هالكلام، راحوا ، وصارت النجمة ماشية قدامهن، حتى إجت ووقفت فوق المطرح يللي كان الصبي موجود فيه. ولما شاف المجوس النجمة فرحوا كتير واجوا على البيت وشافوا الصبي يسوع مع إمه مريم، وسجدوله، وقدموله هدايا دهب وعطر وبخور. بس المجوس شافوا بالحلم إنهن مش لازم يرجعوا لعند هيرودس، فرجعوا على بلدهن من طريق ثانية.

ومن بعد ما فلوا، ظهر ملاك الرب ليوسف بالحلم، وقله قوم خود الصبي وامه وهربوا على مصر، لأنه هيرودس بده يقتل الصبي. ولما اكتشف هيرودس إنه المجوس ضحكوا عليه، غضب كتير وبعت العسكر تبعه على بيت لحم وقتل كل الصبيان الزغار هونيك وضلوا يوسف والعدرا مريم ويسوع بمصر لحتى مات هيرودس.